.jpeg "رواية تزوجتها غصبا البارت الثالث 3 بقلم حياة رحيم")
رواية تزوجتها غصبا الفصل الثالث 3 بقلم حياة رحيم
تزوجتُها غصباً (3)
ممدوح : واد يا ولعه .
ولعه : ايوه يا معلم .
ممدوح : بقلك يا واد روح ناديلى على عمك صالح السعدى .
ولعه : هوه يا معلم .
صالح : السلام عليكم يا معلم ولعه قالى انك عايزنى خير ان شاء الله .
ممدوح: اتفضل اقعد الاول با استاذ صالح تحب تشرب ايه .
صالح : متشكر يا معلم ما لوش لزوم.
ممدوح : قول ياراجل تشرب ايه متغلبنيش طيب تشرب قهوه معيا .
صالح : طيب لو كان كده اشربها مظبوط .
ممدوح : واد ياولعه هات اتنين قهوه مظبوط .........
صالح : تسلم يا ولعه على القهوه .
ولعه : الله يخاليك يا استاذ تؤمر بحاجه تانى يا معلم .
ممدوح : اطلع يا ولعه شوف سعديه و الجماعه فوق لو محتاجين حاجه روح هتها .
ولعه : هوه يا معلم .
صالح وهو بيشرب القهوه : خير يا معلم بعتلى ليه .
ممدوح : احم احم بص يا استاذ صالح انا هتكلم معاك من غير لف ولا دوران المثل بيقول اخطب لبنتك ولا تخطوبش لبنك بصراحه انا عايز اجوز البشمهندس يونس لبنتى روح ............
صالح بأرتباك : انا انا مكنتش عارف ان بنتك موجوده طيب هى كانت فين كل السنين ديه احنا عشره عمر ازاى متقوليش عليها انا انا ..............
ممدوح بأبتسامه خفيفه : انا عارف انك متلغبط انا طلع عندى بنت مره واحده و كمان بطلب ابنك يتجوزها ..... فاكر ورد مراتى .
صالح : فاكرها طبعا الله يرحمها ..... ايوه صح ديه أتوفت و هى بتولد فى المستشفى بس أنت رجعت من غير الطفل......
ممدوح : كل اهل الحته افتكروا انها و الطفل ماتو بس لا روح كانت عايشه بس كانت تعبانه قاعدت فتره طويله فى الحضانه ولما خرجت ام ورد اخدتها وسفرت بيها اسكندريه تربيها لانى ما كنتش هعرف اخد بالى منها و عشان خاطر انا كنت تعبان الفتره ديه وحزين على فراق ورد و كمان كنت حاسس انها السبب فى موت ورد بس بعد فتره هى تعبت جدا و جدتها كلمتنى وقالتلى لازم اروح اشفها عشان ممكن ما اشفهاش تانى سعتها انا اتبرجلت وكل الى جه فى دماغى ان الحاجه الوحيده الى فضله من ورد هى كمان هتروح منى سفرتلها و فضلت معها لحد ما خفت وسبتها مع جدتها تانى بس بقيت كل فتره اروح اشوفها ، بس وهى عندها 5سنين جدتها ماتت ...................
ديه الحكايه كلها هاه تقبل انها تكون بنتك و مرات ابنك .
صالح : انا اقبل طبعا انت عارف غلوتك عندى .
ممدوح : طيب و البشمهندس هيوافق .
صالح : لو على يونس انا هتصرف معاه.
........................................
فى المساء فى بيت صالح
الام : وهو عنده بنت يا حج امال ما حدش يعرف عنها حاجه ليه
صالح السعدى : ايوه يا ستى طلع عنده بنت وعايز ابنك يتجاوزها وانت يا يونس رأيك ايه موافق صح.
يونس : اوافق ازاى يا بابا انا ما اعرفهاش ولا عمري شفتها ولا سمعت عنها انا اول مره اعرف ان المعلم ممدوح عنده بنت .
صالح : هو عمره ما قال لحد ان بنته ماتت اهل الحى هما الى استنتجوا انها ماتت مع مراته بي هى ظروفه الى حتمت ان البنت تعيش بعيد عنه اغلب الوقت وانا حكتلك يبنى الى حصل ولما رجعت ما بتخرجش من البيت عشان كده ما حس بيها او يعرف عنها حاجه .
يونس : طيب ينفع اشوفها و اتكلم معها افهم حتى تفكرها عامل ازاى شخصيتها ايه .
صالح : بص يابنى ابوها رافض مش عايز حد يشوف بنته غير لما يكتب عليها .
يونس : يعنى ايه يا بابا يعنى اتجوز غميضي .
صالح : بص يابنى انا شايف ان الجوازه ديه كويسه و بعدين المعلم ممدوح انسان كويس و عشره عمر وليه افضال علينا كتير و اكيد مربى بنته كويس و كمان احنا ايام زمان كنا بنتجوز عادى من غير ما نشوف العروسه كفايه ان اهلها كويسين .
يونس : يا بابا الكلام ده كان زمان وزمان جدا كمان انت نفسك ما اتجوزتش كده عايزنى انا فى العصر الى احنا فيه يا بابا دا الست دلوقتى بتنزل تشتغل مع الرجاله عادى و الدنيا باقه منفتحه ده غير الموبايلات و النت يا بابا انا مش هعرف اتجوز بالطريقه ديه على الاقل اشوفها و اقعد معها مره واحده .
صالح : مش هينفع يبنى بص يا يونس من الاخر كده انت لازم توافق و تتجاوزها انا اديت كلمه للمعلم و و فقت و قلتله انك مش هتعصي امرى .
يونس : ايه انت ازاى يا بابا توافق بالنيابه عنى يا بابا ديه حياتى وانا عايز لما انوي ابنى حياتى و اكون اسره اختار واحده يكون تفكرها زى تفكيري و احلامنا وحده و تكون تنفع ام لاولادي .
صالح : يابنى انا عارف المعلم ممدوح من زمان حتى من قبل ما اتجوز امك وهو ليه جمايل كتير عليا فا مقدرتش ارفض طلبه بالاخص انى شايف ان بنته متربيه تربيه كويسه و متعلمه تعليم كويس و شايف ان الجوازه ديه ما تتعيبش بالعكس فيها ميزات كتير اقعد يبنى مع نفسك كده و فكر وحاول يا حبيبى ما تكسرش كلمتى و تصغرني بين الناس و يابنى انا عايز مصلحتك .
....................................
يونس : يارب هو انا ايه الى بيحصلى ده ازاى اتجوز وحده معرفهاش ولا شفتها قبل كده ولا اعرف حاجه عنها مجرد بس انها بنت المعلم هو صحيح اكتر واحد فى الحى مسموع كلمته و اغنا واحد وهو برده راجل كويس و الناس بتحبه بس برده انا معرفش بنته انا ايه الى يضمنلى ان يطلع تفكرها زى تفكيرى وان اخلاقها كويسه وعندها دين انا كان كل حلمى فى موضوع الجواز ده انى اشوف وحده واعجب بيها مثلا فا اروح اتقدملها و اتجوزها او حتى جواز صالونات عادى ، مش اتجوز بالطريقه ديه و خايف ارفض ابويا يزعل منى يارب اعمل ايه انا هقوم اصلى استخارة و الى ربنا كتبه هو الى هيكون .
...................................
